Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

29/10/2012

sak lé dos

Sak lé dos pou mwin
La pa dos pou twé.
Mém pa bon
Pou serv an payason
Dovan la port in dalon.
Mém pa fiér
Pou serv an sombli
Si la tèt in frér.

Lo kér an filas
I étinn la ras
Fanm dovan
Kavalié dériér.
La kuit an siro
La vers la mélas
Pou rann mon zistwar
Bon Dié pli nwar.

Sak lé dos pou mwin
La pa dos pou twé.
Sak i sant pou mwin
Kri tro pou twé.
Lo mo la pa ékri
Lo mo la vni.
Sakinn son sakinn
Sakinn son vi.

Sak lé dos pou mwin
La pa dos pou twé.
Sak lé dos pou twé
La pas dos pou mwin.
Sakinn son sakinn
Sakinn son vi.
Lé pa dann modékri
Kan Bon Dié va vni.

Les commentaires sont fermés.